जापानमा लमजुङ समाजद्वारा बृहत् देउसी भैलो कार्यक्रम सम्पन्न: नेपाली संस्कृति झल्कियो

टोकियो, जापान। नेपालीहरूको दोस्रो ठूलो चाड तिहारको अवसर पारेर लमजुङ समाज जापानले आयोजना गरेको बृहत् देउसी भैलो कार्यक्रम हिजो October 19 2025 का दिन Funwari Dining, Ikebukuro मा भव्यताका साथ सम्पन्न भएको छ।

परदेशमा संस्कृति संरक्षणको पहल नेपाली मूल्यमान्यता, मौलिक कला र संस्कृतिको संरक्षण गर्ने मूल उद्देश्यका साथ आयोजित यस कार्यक्रममा जापानमा बसोबास गर्ने नेपाली समुदायको उल्लेख्य सहभागिता रहेको थियो। कार्यक्रमको व्यवस्थापन र संयोजन लमजुङ समाज जापानका अध्यक्ष लील गुरुङ र महासचिव महेन्द्र न्यौपानेको नेतृत्वमा गरिएको थियो।

कार्यक्रमका आयोजकहरूका अनुसार, जन्मभूमिबाट टाढा रहे पनि नेपाली संस्कृतिलाई जीवन्त राख्न र नयाँ पुस्तालाई हस्तान्तरण गर्न यस प्रकारका कार्यक्रमहरूले महत्वपूर्ण भूमिका खेल्छन्।

कला र मनोरञ्जनले भरिएको साँझ कार्यक्रममा उपस्थित सहभागीहरूले तिहारको मौलिक परम्परा देउसी भैलोको गीत तथा नृत्यमा रमाइलो गरे।

लमजुङ समाज जापानका अध्यक्ष लील गुरुङले भन्नुभयो, “जापानमा रहेर पनि हामीले आफ्नो मौलिक परम्परा बिर्सेका छैनौं भन्ने सन्देश दिन यो कार्यक्रम सफल भएको छ। यहाँको उत्साहजनक उपस्थिति नै हाम्रो लागि सबैभन्दा ठूलो प्रेरणा हो।”